Stichting MEL Aruba

c/o Moreu Facilitation & Healing Center

Sero Lopez 11-D, Paradera ARUBA

Tel: (+297) 588 9920 

info@mentepositivo.com  ~ www.melaruba.hue-faculty.com

 

Energia Positivo * Positive Energy

 

Partner of HUE Faculty
    Human and Universal Energy (HUE) after Mr. Luong Minh Dang® Human and Universal Energy®
Bonbini!
Ariba e website aki bo ta haya tur informacion tocante e FACULTAD di EUH, incluyendo un descripcion cortico tocante nos programa autentico y educacional di "Energia Universal y Humano (EUH) di Mr. Luong Minh Dang®" cu e.o. un bista ariba nos schedule di curso.
 
E FACULTAD di EUH ta explora e relacion integral entre e curpa, mente y alma.
 
E obhetivo principal di e programa educacional aki ta pa sostene e practicante/studiante pa mehora su estado mental pa asina e por maneha e retonan diario mas facil, pa alivia su stress y mehora e poder di concentracion y asina logra salud, felicidad y desaroyo mental pa su mes y pa otro hende.
 
E programa aki ta basa ariba e concepto cu'n balans den e estado energetico di e curpa y mente por wordo mira manera un condicion di bienestar of di bon salud. Si e curpa ta ricibi suficiente energia y tin un fluho liber door di ful e curpa sin ningun blokeo, e tin un miho oportunidad pa mantene e bienestar aki.

Un motibo cu ta e causa di perdida di energia den e curpa ta e stress mental of fisico. Den un rutina diario, e factornan di traha constantemente, preocupa mucho, pensa continuamente y un miedo di inkietud por influencia e fluho di energia. E resultado di tur esaki ta, cu e tension por tin efectonan ariba e curpa y mente. E curpa no por come of drumi bon, e sistema imunologico ta debil, e celebro ta cansa, etc. E mente no por concentra, e emocionnan ta for di control (beis ta cambia), e proceso pa tuma desicion ta iracional, etc. Si e condicionnan aki ta sigui, un persona -a lo largo- ta bira malo fisicamente y mentalmente.

Segun e concepto energetico di e programa educacional di EUH, tur cos ta existi manera Energia. Pesey, e tecnica di "transferencia di energia" por wordo aplica pa yuda e parti di curpa afecta (desbalansa) cu e meta pa haci tur e blokeonan limpi y restaura e fluho normal di energia den dje. Consecuentemente, e proceso por yuda gradualmente pa e balans energetico den e curpa wordo recupera y finalmente, e ta recupera su salud y e bienestar general.
 
Ta depende riba e condicion individual di cada persona, locual cu ta trata e factornan fisico, psicologico y di ambiente, e aplicacion di e transferencia di energia por yuda na haci e sistema imunologico mas fuerte. Danki na e union di e curpa, mente y alma, e prome señalnan di mehoracion por wordo detecta na un nivel psicologico (nivel di mente). For di un perspectiva positivo, e persona aki lo tin e habilidad pa concentra mas miho y asina mehora su chens pa recupera completo.
 
E programa educacional aki no ta un tratamento medico. E no ta uza droga ni remedi, y ta complementa cualkier tratamento medico. E nunca por considera manera algo cu por reemplasa e practica di medicina regular. E ta wordo aplica solamente adicional (complementario). Den un sentido mas amplio, e ta un tecnica di meditacion.

Pa por aplica e tecnicanan di transferencia di energia efectivamente, bo mester siña e metodo corecto y bo mester tin bo puntonan central di energia (Chakras) activa, cual ta permiti bo pa ricibi y transmiti e fluho di Energia Universal efectivamente pa yuda bo mes y yuda otro hende. E metodo aki ta wordo siña den cursonan. E programa educacional original di Energia Universal y Humano® ta consisti di 4 nivel (Basico-, Intermedio-, Avansa-, Special-) cu'n total di 8 curso (01 HUE te cu 08 HUE, anteriormente Nivel 1 - Nivel 20). Ora bo completa e Nivel 01 HUE Basico, e ta posibel pa aplica e practica den bida diario, familiar y profesional di biaha.

 
E programa original ta wordo ofreci door di e partners/instructornan oficialmente reconoci door di e FACULTAD di EUH, Inc. E instructornan aproba a wordo entrena y certifica pa e FACULTAD di EUH, Inc. of un di su partners oficial. E instructornan ta duna e curso autentico di e programa educacional di Energia Universal y Humano® manera instructornan no afilia y independiente bou di un number di registracion.

Cada instructor ta responsabel pa e contenido di e curso cu ta a base di nan relacion di contract individual cu cada participante. Den e lista di partners bo por haya e partners oficial di e FACULTAD di EUH, Inc.

Porfabor, tuma nota cu nos ta ofrece nos programa autentico y educacional, originalmente duna pa su fundado, Sr. Luong Minh Dang (1942-2007) bou di e marca registra "Energia Universal y Humano®" y "Energia Universal y Humano (EUH) pa Sr. Luong Minh Dang®".
 

 

TA ALERTA PA CONFUSION!

 

E FACULTAD di EUH, Inc. kier informa cu actualmente tin websites y E-mails den circulacion cu por causa confusion cu locual ta trata nos programa autentico y educacional, a base di nan diseño y/of nan contenido. Pesey mes, nos kier clarifica cu si nos programa educacional original di "Energia Universal y Humano (EUH) pa Sr. Luong Minh Dang®" no ta wordo duna door di e FACULTAD di EUH, Inc. of un di su partners/instructornan reconoci y certifica, anto e ora e no ta trata di nos programa autentico y educacional. E websites y Emails aki no ta origina di e FACULTAD di EUH, Inc. of for di su partners oficial. E FACULTAD di EUH, Inc. of su partners oficial no ta afilia den ningun manera na e operador di e websites of esunnan cu ta manda e Emails aki. Nos ta desasocia nos mes for di tur e operador di e websites aki y for di e contenido di e websites, cual ta hopi similar na nos website of cu por causa confusion cu nos website. E operador di e websites aki no ta afilia cu nos den ningun manera y no tin ningun tipo di autorisacion di nos tampoco.

 

Pa mas informacion huridico, porfabor click ariba e Aviso Legal.

 

 
 
Noticia Local
Reunion di Aplicacion di HUE
Diaranson, 24 oktober te cu Diadomingo, 28 oktober 2018
 
Reunion pa studia hunto
Februari y maart 2015
 
Meditacion y Positivismo
Tur diaranson
 
Reunion pa studia hunto
Nivelnan Basico te cu L20
 
Noticia Mundial
HUE Application Meeting
Wednesday, 24 Oct thru Sunday, 28 Oct 2018 in Aruba
 
HUE Quality Process
Universal Energy in Business
 
International Reunion for HUE Students of all levels
19-21 May 2018 in Zoetermeer, Netherlands
 
08HUE (Level 20) Convention
1-3 December 2017 in Palm Beach, Aruba
 
HUE Level 20 Retreat: 29 March - 2 April 2017
HUE Faculty's first ever Retreat for students hosted by MEL Aruba